|
يا أهل القاطع ...يا أعضاء جمعية حماية الطبيعة |
|
|
|
كتب معن الدالي
|
|
يا أهل القاطع ...يا أعضاء جمعية حماية الطبيعة ....شكرا ...شكرا لجديتكم في العمل ...لتصميمكم و عزمكم ...لا ندفاعكم و غيرتكم
يا أهل القاطع ...يا أعضاء جمعية حماية الطبيعة ....شكرا ... شكرا لجديتكم في العمل ...لتصميمكم و عزمكم ...لا ندفاعكم و غيرتكم .....لسواعدكم التي لا بد انها هوجمت كثيرا من اشواك الباطور اللعين ...مع كامل الاحترام للصبايا اللواتي قبلن طعن الأشواك و هن يضحكن ... و أنا ما بجيب شي جديد اذا قلتلكن أنو وقت رحنا لنشوف وضع الحرش انا و الدكتور ....قلتلو شو بدو سنتين ...قلي بدو خمسة .... أكيد لو أنو اللي بدون يشتغلو انا وهوي بعتقد بدو خمسين ....بس بعد طحشة الشباب ...و همتن ....بتصور ما بدنا غير تبقى فينا الهمة و التصميم ...و الله كريم ... و الأجمل هؤلاء الصبية ....يمكن عالبيدر كانو رايحين ,,,,اولاد هم بعمر الورود ...حولو يا شباب .....و الله ما كذبو خبر و حولو .....شو القصة خبرتن شو القصة ...و قلتلن شو بكرا بعد ما تخلصوا درس فيننا نوعد حالنا تجوا معنا استحو شوي ....ضحكوا شوي ؟؟؟؟و قبل ما يغيب آخر واحد فيون سألني أي ساعة ...قلتلو الساعة 3 بعد الضهر ... تاني يوم صار وقت الشغل ..... أهل القاطع ما بيخلفوا وعد .... شباب الجمعية بارك الله بسواعدهم ...بلشوا بالسباحة بين الأشواك ...و بهالوقت كنت كل لحظة اتطلع باتجاه الطريق معقول بدون يجو ...ولاد هني ...دقاصك مقلوب ...الآتول معو....بيسوو بنظرن كل الجمعية ....و أنا بفهم شعورن منيح ....... الساعة تلاتة .....تلاتة ..تلاتة ...مو تسعة إلا خمسة بدل التمانة و نص يا ربع صافيتا.... وصل أول ولد ...تطلع بهدوء و بدون كلام ...قربت لعندو قلتلو شو ...قلي جيت ....قلتلو وحدك ....تطلع لورا ..و تطلعت معو ما كان وحدو ..كانو كلن جايين ....تركو كلشي ..اللعب و حب الشيطنة ...الركض ...المقاتلة ...كل شي تركوه و اجو ....... بقي قلكن شي بسيط صدقوني كان معهن بتعرفوا شو ...كان معهن تلات مناجل و منشارتين و مقص أشجار ... شكرا لكم يا أشبال اليازدية ...يا رجال الغد ...من يصدق صغيرا ...سيصدق عندما يصبح رجلا ...لكم كلكم محبتي ...و بما انو هيدا ما بيكفي ....عازمكون عالبوظة |
