كيفكن يا شباب الحقيقة كانت النية إني اكتب عن موضوع بخص جمعية حماية الطبيعة

ولكن للأسف بعد اللي اطلعت عليه من مقالات كتبوها الشباب أطريت إني حول شوي .

بصراحة ها المقالات ما كانت مشجعة ولا شوي كنت ناطر شوف تفاؤل بالحياة وبالعملاللي عم نقوم فيه بس للأسف بدا التشاؤم واضح , بعدين تعبنا من التنظير والحكي الفاضيناسيين انو فيه ناس عم تلتعن وتشتغل ليل ونهار لتقدر تعيش, فيه مسؤوليات وادوار لازم تتوزع بطريقة صحيحة. مش بس نكتب بيت شعر أو يصير عنا مكتبات أو نقرأ  .لاالشعر ولا القراءة ولا المكتبات بتقدر تعمل شي  بهيك حالة ما فيه شيء ممكن إنا نقوم فيه إلا العمل بكافة أشكاله .

ما فيه شيء بجي سهل لازم نشتغل إن كان ضمن المجتمع المصغر أو ضمن المجتمع الأوسع اللي هوي الوطن لذلك اللي عم تقوم فيه جمعية حماية الطبيعة مش سهل يعني تعبنا بالفكرة وتعبنا بالتطبيق بلشنا نسلك الطريق الايجابي اللي بيمنحنا الحياة الاجتماعية الصحيحة وعم نعيش لنشتغل شيء له قيمته إن كان بالحاضر أو بالمستقبل . بعدين ( أن تفعل شيء خير من أن لا تفعل) .

بأوروبا  أخدت دراسة الغابات وزراعة الأشجار حيز كبير من حياة الناس يعني فينا نقولاكتر من 250 سنة وصارت أكثر نسبة من مساحة الأراضي غابات .لهيك يا شباب لازم نفكر ونشتغل صح بأي مجال بدنا نقوم فيه . لتقدر تحمي عائلتك لازم تحمي بيئتك وبالتالي الغابة بتحميك صحيا ونفسيا . بالمناسبة العلماء والأدباء والفلاسفة خصصوا حيز مهم من دراستهن للطبيعة .

 لذلك ياشباب لازم نعطي الجمعية القسم الأكبر من طاقاتنا لتزيد فعاليتا وعملها وتستمر لأنها المخرج الوحيد المثمر لمجتمعنا ووطننا  .