الواقع البيئي

[Lina-Kh]

موضوع المحافظة عالبيئة صار الو اشكال مختلفة وصار الشغل الشاغل للناس وخصوصي بعد التغيرات المناخية الحاصلة

كتير امور عم تلعب دور بهالخلل الكبير الصاير بالبيئة

متل تخريب المناطق الزراعية وقطع الاشجار واستبدالا بكتل اسمنتية
بالوقت يلي منلاقي فيه اراضي شاسعة مانا صالحة للزراعة وممكن استثمارا لاقامة المنشآت و المدن الصناعية يلي الها تأثير واضح عالتلوث

مثلا من القضايا يلي بتشكل مشكلة بيئية حقيقية صعب التهرب من نتائجها معمل الاسمنت بطرطوس واثرو السلبي عالمزروعات و ع اشجار الزيتون والحمضيات القريبة والبعيدة واكيد هالشي بيتعلق باتجاه الرياح والغبار يلي بتحملا هالرياح وبتأدي لتراكما يوم بعد يوم على هالاشجار

بالاضافة لمصفاة بانياس والمحطة الحرارية واثرا ع تلوث البيئة بالمنطقة الساحلية بسبب هباب الفحم يلي الو تأثيرات سلبية ع حياة الانسان والامراض الناتجة عنها

اكيد ما عاد في فايدة من هالحكي لأنو صار واقع بس لابد من ذكر هالسلبيات منشان المنشآت الصناعية يلي ممكن تنبنى بالمستقبل ونحاول قدر الامكان ما نخليها تأثر عالمناطق الزراعية وايجاد حلول مناسبة لضبط التلوث الحاصل

الشي التاني يلي بدي احكي عنو بهالموضوع هو البيئة البحرية والتعديات يلي عم تصير عالبحر من خلال فرش رمال الشاطئ او الحصى وهالشي كلو عم يتم ع حساب الصيد بالاضافة لمياه المجرور يلي عم تصب بالبحر كل هالامور تعتبر تدمير تدريجي للبيئة الطبيعية المتوازنة وبسبب هالشي عم يقل تكاثر الاسماك لعدم وجود البيئة المناسبة للتكاثر وبالتالي ارتفاع اسعار السمك وخاصة في فصل الشتاء

بالنهاية الشي يلي منتمناه هو الوصول الى اساليب وطرق بتساعد عالحد من التدهور البيئي الحاصل والتخفيف قدر المستطاع من الاضرار البيئية يلي عم تنعكس بشكل سلبي عالنباتات والكائنات الحية والانسان بالدرجة الاولى

[Somar Al-Dali]

معمل الاسمنت بطرطوس واثرو السلبي عالمزروعات و ع اشجار الزيتون والحمضيات القريبة والبعيدة واكيد هالشي بيتعلق باتجاه الرياح والغبار يلي بتحملا هالرياح وبتأدي لتراكما يوم بعد يوم على هالاشجار

بالاضافة لمصفاة بانياس والمحطة الحرارية واثرا ع تلوث البيئة بالمنطقة الساحلية بسبب هباب الفحم يلي الو تأثيرات سلبية ع حياة الانسان والامراض الناتجة عنها

معمل الاسمنت + المحطة الحرارية+ مصفاة بانياس

عوامل تلوث كبيرة جدا ...و يجب و بهذا الوقت الحرج بيئيا كما تفضلتي ووضحتي أن يتم اجراءات تمنع انتشار التلوث ...!!

و لكن هل باستطاعت الجهات المسؤولة أن تنمنع انتاج التلوث من هذه المنشآت ؟؟

رأي شخصي : لا نستطيع أبدا أن نوقف التلوث المنبعث من هذه المنشآت على الأقل على المدى المنظور ....و السبب أن هذا الموضوع مهمل من أساسه ..


و هنا مناسبة لطرح سؤال كبير ربما ..

هل تقوم الجهات المسؤولة عند انشاء منشأة صناعية ما بدراسة للآثار السللبية على البيئة ؟؟؟ أم أن هذا لا عالبال و لا عالخاطر ؟؟؟

لنوش شكرا لك للاضاءة على هذا الموضوع
-------------

[د.سامي يعقوب]

اذا ما حاولنا تحليل الواقع البيئي في محافظة طرطوس، نرى أنها، وبشكل غريب، في تناقض مع البيئة، على طول الخط.. تريدون أمثلة أخرى؟ حسنا..
-تلوث المياه العذبة بالمجارير والمخلفات.
-تلوث مياه البحر بالمجارير، ومخلفات السفن، والمحطة الحرارية والمصفاة.
-ابادة الغابات، بجميع الوسائل الممكنة، واستبدالها بالباطون المسلح.
-عشرات الآلاف من بيوت البلاستيك، وهذا ما جعل المنطقة الساحلية منفرة للسياح، عدا تأثيرها الحابس للحرارة.
هل توجد حلول لهذه المشاكل، أو لجزء منها؟ هل سيكون بالامكان تجنب تكرارها في المستقبل؟ أوجه هذه الأسئلة الى أصحاب القرار .
شكرا لك يا لنّوش. شكرا لك يا عقل. وللحديث تتمة على ما أعتقد

[Lina-Kh]

المشكلة مو بالشي يلي صار.... المشكلة بالشي يلي رح يجي

من فترة اتفاجأت بأنو وزارة البيئة بسوريا عندا تقرير بأنو الاشعاعات الصادرة عن اجهزة التقوية لشركات الموبايل ما الها اي تأثير على صحة الانسان وممكن انو تنحط هالاعمدة التقوية ضمن المناطق السكنية

بصراحة ما بعرف الدراسات يلي اعتمدت عليا وزارة البيئة لحتى وصلت لهالنتيجة بس يا ترى معقول صرنا نجيّر القوانين لصالح جهات معينة ع حساب الصحة والسلامة